Əfqanıstanın Kabil şəhərində səhər iki partlayış xəbəri ilə açılıb.

ONN media xəbər verir ki, birinci terror aktını kamikadze terrorçu törədib. O, motosikletlə hərəkət edərkən üzərindəki bombanı işə salıb. “Pajvak” agentliyi bildirir ki, ikinci partlayış nəticəsində “TOLOnews”, “1TV”, “Al Jazeera” və digər KİV nümayəndələri həlak olub.

“Frans Press” agentliyi isə fotoqraf Şa Marainin ölüm xəbərini yayıb.

İki partlayış nəticəsində həlak olanların sayı 21-ə çatıb. 27 nəfər isə xəsarət alıb. Bu məlumatı Əfqanıstanın səhiyyə nazirliyi verib.