Ermənistanın paytaxtı İrəvan şəhərində silahlı şəxs banka hücum edib.

ONN media xəbər verir ki, basqın zamanı atışma olub. Nəticədə 1 nəfər ölüb, 2 nəfər yaralanıb. Polis isə hücumçunu zərərsizləşdirib.

Polis bildirir ki, hücumçunun üzərində bıçaq, əl qumbarası və tüfəng olub. O, bankın iki əməkdaşını yaralayıb. Onlardan biri keçinib.

Hücumçu bankdan pul qarət edərək aradan çıxmaq istəyib. Amma polis müdaxiləsi ilə üzləşib. Naməlum şəxs polis işçilərindən birini yaralasa da, zərərsizləşdirilərək polis idarəsinə aparılıb.