Rusiyanın Yamal-Nen muxtar mahalının Noyabrsk şəhərindəki "Semya” ticarət mərkəzində yanğın baş verib.

ONN media  RİA Novosti agentliyinə istinadla xəbər verir ki, ticarət mərkəzinin ərazisi 2,2 min kvadratmetrdir. Fövqəladə Hallar Nazirliyinin regional idarəsinin yaydığı məlumata görə, zərərçəkən yoxdur. Yanğın vaxtı ticarət mərkəzində heç kəs olmayıb. Yanğın yerinə yanğınsöndürmə briqadasından 51 nəfər və 17 vahid texnika cəlb edilib. Yanğın lokallaşdırılıb. Ətrafdakı binalara təhlükə yoxdur. Noyabrsk şəhərində digər ticarət mərkəzində də yanğın olub. Hər iki binanın eyni sahibkara məxsus olduğu güman edilir.