Avropa İttifaqının təhlükəsizlik və xarici siyasət üzrə ali nümayəndəsi Federika Moqerininin ofisindən Yəmənlə bağlı açıqlama yayılıb.

ONN media xarici KİV-ə istinadən xəbər verir ki, açıqlamada Yəməndəki gərginlik və qarşıdurmanın artmasının siyasi məsələnin həllinə zərər verdiyi qeyd edilib.

Son həftələrdə Yəməndə gərginliyin daha da artdığı və humanitar vəziyyətin daha da pisləşdiyi vurğulanan açıqlamada bildirilib ki, bu müddətdə bir çox dinc vətəndaş həyatını itirib və infrastruktur zərər görüb:

“Yəməndəki problem ancaq siyasi yolla həll edilə bilər. Sadəcə düzgün müzakirə edilən və əhatəli siyasi həll münaqişəyə son qoyaraq ölkədə və bölgədə sülhü və sabitliyi təmin edə bilər”.