İşğalçı İsrail rejiminin ötən ay Qəzzada törətdiyi qətliamdan sonra İndoneziya bu ölkə vətəndaşlarının girişinə qadağa qoymuşdu.

ONN media xəbər verir ki, İsrail də İndoneziya vətəndaşlarına viza verilməyəcəyini açıqlamışdı.

Lakin, təzyiqlərə tab gətirməyən işğalçı İsrail rəhbərliyi qadağanı 27 iyuna qədər təxirə salıb.

Məlumat üçün bildirək ki, hər il orta hesabla 30 min indoneziyalı İsrail işğalı altında olan Şərqi Qüdsdəki “Məscidi-Əqsa” və Fələstindəki digər müqəddəs məkanları ziyarət etmək üçün İsraildən tranzit olaraq Fələstinə uçur.

Qeyd edək ki, 30 martdan etibarən keçirilən “Böyük qayıdış yürüşü”ndə İsrail əsgərləri 120-dən çox fələstinlini qətlə yetirib. 13 mindən çox etirazçı da yaralanıb.