Amerika Birləşmiş Ştatları Rusiyadan olan üç fiziki şəxs və beş şirkəti Moskvaya qarşı sanksiyalar siyahısına əlavə edib.

ONN media xəbər verir ki, bu haqda ABŞ maliyyə nazirliyinin rəsmi bəyanatında deyilir.

“Qara siyahıya” Oleq Çirkov, Vladimir Kaqanskiy və Aleksandr Tribun daxil edilib. Nazirliyin iddiasına görə onların hamısı “Dayvtexnosentr” şirkəti ilə əlaqədar şəxslərdir.

Sanksiya siyahısına bundan başqa “Digital Security”, “Dayvtexnosentr”,  “Kvant” elmi tədqiqat institutu əlavə edilib.

ABŞ hökuməti bu şirkət və qurumların Rusiyanın federal təhlükəsizlik xidməti ilə əməkdaşlıq etdiyini iddia edir.