Avropol təşkilatı bir neçə ölkənin hüquq mühafizə orqanlarının dəstəyi ilə dünyanın ən erkən haker qruplaşmalarından sayılan “Rex Mundi”nin azadlıqda olan sonuncu üzvünü həbs edib.

ONN media xəbər verir ki, bu haqda “Lenta.ru” məlumat yayıb.

“Rex Mundi”yə qarşı mübarizə 2017-ci ilin may ayında Britaniyanın iri korporasiyalarından birinə edilən kütləvi virtual hücumdan sonra gücləndirilib. Həmin vaxt hakerlər şirkətin müştəri bazasından külli miqdarda şəxsi məlumatları hasil edib.  

Qruplaşma sonradan hücuma görə məsuliyyəti öz üzərinə götürüb, bir neçə gün sonra isə hakerlərdən biri şirkət əməkdaşları ilə əlaqə yaradaraq, məlumatların qaytarılması üçün 580 min avro pul istəmişdi.