Almaniya Baş naziri Angela Merkel, Fransa prezidenti Emmanuel Marconun Avropa Birliyi (AB) təşəbbüsləri ilə əlaqədar yeni bir səhifə açdığını söylədi.
ONN media Alman mətbuatına istinadla xəbər verir ki, Baş nazir Merkel, Brandenburg əyalətindəki Meseberg Sarayında təşkil edilən Alman-Fransız ortaq Nazirlər Kabinetinin iclasının ardından Macron ilə birgə mətbuat konfransı keçirdi. "AB üçün təşəbbüslər gətirilməsi mövzusunda yeni bir səhifə açırıq" deyən Merkel, dünyada ortaya çıxan yeni sınaqlara qarşı Avropanın ortaq cavab verməsinin lazım olduğunu dilə gətirdi.

Merkel,  xarici, təhlükəsizlik və müdafiə siyasətləri, miqrasiya, iqtisadiyyat və rəqabət qabiliyyəti kimi məsələlərə toxunduqlarını da bildirib.
AB ölkələrinin xarici, təhlükəsizlik və müdafiə sahəsində daha çox birlikdə çalışmasının lazım olduğunu ifadə edən Merkel, bundan ötəri müdafiə sahəsindəki struktur iş birliyini "Avropa müdaxilə təşəbbüsü" ilə genişləndirmək istədiklərini, beləliklə ortaq strategiyanın yalnız silah sistemlərinin təkmilləşdirilməsi deyil, qoşunların təyin edilməsi ilə də həyata keçirməyin mümkün olduğunu qeyd edib.