ABŞ Prezidenti Donald Trampla Rusiya Prezidenti Vladimir Putin arasında əldə edilən razılaşmalar iki ölkənin liderləri üçün çox önəmlidir.

ONN media xəbər verir ki, bunu "Qordon" saytına müsahibəsində rusiyalı hərbi ekspert Pavel Felgenhauer deyib.

"Trampla Putin arasında Helsinkidə əldə edilən razılaşmalar şifahi xarakterlidir. Bəli, onlar arasında nəsə razılaşma var və iki ölkədən hansısa komandalar bu istiqamətdə çalışacaqlar. Hələlik bu razılaşmanın mahiyyətini heç kim açmaq istəmir. Onların payızda nə müzakirə edəcəyi Suriya, İran və Ukraynadakı hadisələrin necə inkişaf edəcəyindən asılıdır.

Hazırda Ukrayna məsələsi Tramp üçün maraqlı deyil. Moskva bütün diqqətləri Kiyevin Minsk razılaşmasının şərtlərini icra etməməsinə yönəldir. Bunun nə demək olduğu hələlik müəmmadır. Tez-tez Donbasda referendum və digər bəyanatlar səsləndirilir. Suriya və İran məsələsində də razılıq əldə olunub, amma o heç bir nəticəyə gətirib çıxartmayıb. Trampı hazırda maraqlandıran da məhz bu iki ölkədir", - deyə o bildirib.