Rusiya prezidenti Vladimir Putinin köməkçisi Yuri Uşakov Rusiya və Amerika liderlərinin qarşıdakı görüşünün təfərrüatlarını açıqlayıb. ONN media xəbər verir ki, Kreml rəsmisinin sözlərinə görə, prezidentlər 28 iyunda Osakada G20 (“Böyük yeddilik”) sammitində görüşməlidir. Görüş sammitdə liderlərin birinci iclasından sonra olacaq. Yeri Amerika tərəfi seçəcək. “Trampla görüş təxminən iki-üç saat olacaq”, - Uşakov deyib. Diplomat əlavə edib ki, görüşün dəqiq müddəti liderlərdən asılı olacaq. Daha əvvəl Rusiyanın Xarici İşlər Nazirliyinin başçısı Sergey Lavrov bildirib ki, görüşün uyğunlaşdırılmış gündəliyi mövcud deyil. Ancaq Uşakovun sözlərinə görə, liderlər strateji sabitliyi və regional münaqişələri, xüsusi halda, Suriya, İran, Əfqanıstan, Ukrayna və Venesuelanı müzakirə etməyi planlaşdırırlar. Həmçinin Rusiya prezidentinin köməkçisi dəqiqləşdirib ki, dialoq nümayəndə heyətlərinin iştirakı ilə keçəcək.