Ermənistanın baş naziri Nikol Paşinyan orduda tüğyan edən korrupsiyadan şikayətlənib.

ONN media “Sputnik” agentliyinə istinadən xəbər verir ki, baş nazir hökumətin iclasında korrupsiyaya qarşı güzəştsiz davranacağına söz verib.

“Bu, sadəcə biabırçılıqdır. Orduda rüşvətxorluq üzrə hadisələr baş verməkdə davam edir”, - nazirlər kabinetinin başçısı qeyd edib.

Xüsusi halda, Paşinyan yay çağırışı zamanı orduda xidmətdən möhlət hüququnun verilməsi üçün rüşvətlərin alınmasını nəzərdə tutub.