Rusiya bütün ölkələrə təhlükə yaradır.

ONN media xəbər verir ki, belə bəyanatla Böyük Britaniyanın müdafiə naziri Qevin Uilyamson çıxış edib.

Onun sözlərinə görə, 3 il əvvəl Londonda Rusiyanı “yaranan təhlükə” kimi dəyərləndirirdilər, lakin hadisələrin hansı məcrada inkişaf edəcəyini bilmirdilər. 

“Dünyanın 2015-ci ildən əldə etdiyi təcrübəsi göstərir ki, söhbət yalnız Böyük Britaniya və ya Avropanın digər ölkələrinə deyil, bütün dövlətlərə yönələn təhlükədən gedir”, - Uilyamson deyib.

O qeyd edib ki, Moskva məqsədinə çatmaq üçün məxfi əməliyyatlar və siyasi diversiyalardan istifadə edir.