Türkiyə prezidenti Rəcəb Tayyib Ərdoğan Almaniya kansleri Angela Merkellə telefon vasitəsilə görüşüb.

ONN media xəbər verir ki, görüşdə Türkiyənin maliyyə naziri Berat Albayraq və almaniyalı həmkarı da iştirak edib.

Xəbərə görə, görüşdə ikili münasibətlər, başda Suriya olmaqla, regional mövzular müzakirə edilib. Həmçinin, hər iki ölkə liderinin sentyabr ayında Berlində görüşəcəyinə dair razılıq əldə edilib. Ərdoğan və Merkel hər iki ölkənin maliyyə nazirlərinin yaxın günlərdə görüşməsinə razılaşdırıb.

Almaniya kansleri Ərdoğana Türkiyə iqtisadiyyatının Almaniya üçün də önəmli olduğunu deyib.