Türkiyə Prezidenti Rəcəb Tayyib Ərdoğanla razılığa gəlmişdik.

ONN media xəbər verir ki, bu sözləri ABŞ Prezidenti Donald Tramp söyləyib.

"Ərdoğan Türkiyədə saxlanılan keşiş Bransonu azad edəcəkdi. Mən isə İsraildə həbsdə olan Türkiyə vətəndaşının azadlığa çıxmasına kömək edəcəkdim. Mən Ərdoğana görə İsraillə danışıqlar apardım və Türkiyə vətəndaşı azad edildi. Ərdoğanın da çox məsum və mükəmməl insan olan keşiş Bransonu azad etməsini gözlədim, lakin bu baş vermədi. Türkiyənin bu hərəkəti çox üzücüdür. Dəhşətli səhvə yol verdiklərini düşünürəm. Hər hansı formada güzəşt olmayacaq".

Donald Tramp türkləri və Türkiyəni çox sevdiyini deyib:

"Türkiyəni və insanlarını sevirəm. Bildiyiniz kimi, Türkiyə prezidenti ilə münasibətlərim çox yaxşı idi. Onunla yaxşı yola gedirdik. Münasibətlərimiz çox gözəl idi. Ancaq bu yol təktərəfli ola bilməz, bundan sonra da olmayacaq".