Qəzza zolağında İsrail hərbçiləri ilə toqquşma nəticəsində 6 fələstinli ölüb.

ONN media xəbər verir ki, bu barədə Fələstin Səhiyyə Nazirliyinin nümayəndəsi Əşrəf əl-Kidra məlumat verib. 

O bildirib ki, toqquşmalar zamanı 506 nəfər yaralanıb.

Qeyd edək ki, Fələstində “Böyük qayıdış yürüşü” adlı etiraz aksiyaları cümə günləri geniş vüsət alır. Nəticədə bu, İsrail hərbçiləri ilə toqquşmalara səbəb olur. 

İsrail ordusunun məlumatında deyilir ki, aksiyada 10 mindən çox adam iştirak edib.