Türkiyənin Ədirnə vilayətinin Enez qəsəbəsi yaxınlığında dənizdə kiçik gəmi batıb.

ONN media  publika.az -a istinadən xəbər verir ki, qeyri-leqal miqrantları Yunanıstana aparan rezin gəminin batması nəticəsində 5 nəfər miqrant boğularaq ölüb.

Bildirilir ki, rezin gəmidə ümumilikdə 10 nəfər olub. Gəminin batdığını görən 3 miqrant və 2 türkiyəli bələdçi üzərək sahilə çıxa bilib. Lakin 5 nəfər boğulub. Artıq onların meyiti sahilə çıxarılıb.

Qeyd edək ki, gəminin batması barədə polis sahilə sağ çıxan miqrantın verdiyi məlumata əsasən xəbər tutub. Hazırda polis miqrantları Yunanıstana aparan yerli sakinləri axtarır.