ONN media Qafqazinfo-ya istinadla xəbər verir ki, Yunanıstanın hərbi gəmiləri Türkiyəyə məxsus "Barbaros Hayrettin Paşa" gəmisinin Aralıq dənizinin şərqində apardığı kəşfiyyat-qazma işlərinə maneə olmaq istəyib.

Türkiyə Hərbi Dəniz Qüvvələrinin ərazidəki qüvvələrinin müdaxiləsi nəticəsində bu qanunsuz cəhdin qarşısı alınıb.

Məsələ ilə bağlı Türkiyə Xarici İşlər Nazirliyi açıqlama verərək bildirib ki, Yunanıstanın əsassız iddialara davam etməsi bölgədə sabitliyin davamlılığına ziyan verəcək.

Türkiyə Ekologiya və Təbii Sərvətlər Nazirliyi isə Türkiyənin özünə məxsus iqtisadi zonada həyata keçirdiyi fəaliyyətə mane olunmasının beynəlxalq hüquqa zidd olduğunu açıqlayıb.