Cenevrədə keçirilən hərracda çəhrayı almaz üzük rekord qiymətə satılıb.
 

ONN media  “Ölkə.Az” -a istinadən xəbər verir ki, sözügedən üzüyü “Hary Winston” şirkəti 44 milyon 500 min dollara alıb.

Hərracı “Christie's” hərrac evi keçirib. 19 karatlıq “Çəhrayı Miras” adlı üzük dünya rekordunu yeniləyərək 44 milyon 500 min dollara satılıb. Hərrac evinin nümayəndəsi Fransua Kuryel satışdan sonra açıqlama verərək çəhrayı almazın karat qiymətinə görə dünya rekorduna imza atdığını bildirib.
Dördbucaqlı formada olan çəhrayı almaz 1920-ci ildə Cənubi Afrika Respublikasının ərazisində tapılıb. Üzük “Pink Legacy” almaz ticarəti ilə məşğul olan milyarder yəhudi ailəsi olan Oppenhaymer ailəsindən miras qalıb.