Ermənistanda Respublika Partiyası sədrinin birinci müavini, keçmiş müdafiə naziri Viqen Sarkisyan baş nazir vəzifəsini icra edən Nikol Paşinyanı debata çağırıb

ONN media xəbər verir ki, V.Sarkisyan Paşinyanı seçkiöncəsi düzgün təbliğat aparmamaqda ittiham edib.

“Artıq üç gündür ki, sizin təşviqat kampaniyanız xalqı respublikaçılardan qorxutmağa, cəmiyyəti qaralar və ağlar olaraq bölməyə çalışır. Mən sizi televiziyada debata dəvət edirəm”, - deyə Sarkisyan çağırış edib.

Qeyd edək ki, dekabrın 9-da Ermənistanda növbədənkənar parlament seçkiləri keçiriləcək. Seçki öncəsi Ermənistanda siyasi qarşıdurma kəskinləşib.