İran Prezidenti Həsən Ruhani Türkiyə Prezidenti Rəcəb Tayyib Ərdoğanın rəsmi dəvəti ilə iki ölkənin Strateji münasibətlər üzrə Ali Şurasının 5-ci iclasında iştirak etmək məqsədilə Ankaraya səfər edəcək.

ONN media xəbər verir ki, bunu İran Prezident Aparatının informasiya məsələləri üzrə rəhbər müavini Pərviz İsmaili deyib.

Onun sözlərinə görə, Prezident Həsən Ruhani yüksək səviyyəli siyasi və iqtisadi heyətin müşayiəti ilə 2 günlük səfər çərçivəsində sabah Türkiyə paytaxtına gedəcək.

İran və Türkiyənin Strateji Ali Şurasının 5-ci iclası iki ölkə prezidentlərinin rəhbərliyi ilə keçiriləcək.

Səfər çərçivəsində siyasi, iqtisadi və mədəni sahələrdə sənədlər imzalanacaq.