10 ildir ki, gah küsən, gah da barışan müğənni Miley Krus və aktyor Liam Hemsvortun toyu olub.  

ONN media xarici KİV-ə istinadən xəbər verir ki, Amerika mətbuatı onların ötən həftə evlənməkləri barədə məlumat dərc edib. 

Cütlük sadə bir mərasimlə ailə həyatı qurublar. İddia olunur ki, məclisdə Miley və Liamın ailə üzvləri, yaxın dostları iştirak edib. 

Toy xəbəri isə aktyorun dostu Conrad Jackcarrın sosial şəbəkədə paylaşdığı görüntülərdən sonra yayılmaya başlayıb. Həmin videoda cütlüyün bəy və gəlin obrazında tort kəsdikləri əks olunub.

Gündəmi zəbt edən mövzuya Miley nöqtə qoyub. O, instaqram səhifəsində toy şəkillərini yayaraq məlumatı təsdiq edib.