İrandakı nümayişlərin Ərbil tərəfindən təşkil olunması və idarə edilməsi haqda yayılan iddialar yalandır.

ONN media Axar.az-a istinadən xəbər verir ki, bu sözləri İraq Kürd Muxtariyyətinin baş naziri Necirvan Bərzani deyib.

“Bu iddialar əsassız və gülməlidir. İrandakı etirazlarla heç bir əlaqəmiz yoxdur. Kürdüstan heç vaxt İran üçün təhdid olmayıb”, - Bərzani bildirib.

Qeyd edək ki, dekabrın 28-dən başlayaraq İranın iri şəhərlərində ardıcıl etiraz aksiyaları keçirilmişdi. Bəzi mənbələr nümayişlərin təşkilində rəsmi Ərbilin əlinin olduğunu iddia etmişdi.