“Bizim məqsədimiz Suriyada dayanıqlı sülhün əldə edilməsidir. Təəssüf ki, Suriyada böhran 10 ildir davam edir. Böhranın mənfi təsirlərini görürük. Bunun əsas səbəbi Suriya xalqının qanuni haqlarının qulaqardına vurulmasıdır”.

ONN media  xəbər verir ki,  bunu Türkiyənin xarici işlər naziri Mövlud Çavuşoğlu Dohada qətərli və rusiyalı həmkarları ilə birgə mətbuat konfransında deyib.

Nazirin sözlərinə görə, 6 milyondan çox suriyalı vətənindən didərgin düşüb ki, onların da 3,6 milyonu Türkiyədə yaşayır.

O, 2,4 milyon suriyalı uşağın məktəbə gedə bilmədiyini vurğulayıb. XİN başçısı diqqətə çatdırıb ki, bu vəziyyətdə daha adekvat addımlar atılmalıdır.

Putin Şoyqunun yerinə onu təyin etdi

“10 ildir İŞİD, PKK kimi terror təşkilatları Suriyanı bölmək istəyir. PKK Suriyanın şimalında mülki əhalini hədəf alır. Görüşümüzdə Suriyanın ərazi bütövlüyü, suverenliyi və müstəqilliyini dəstəklədiyimizi bir daha vurğuladıq”, – deyə M. Çavuşoğlu qeyd edib.

ONN İnformasiya Agentliyi
Çap Et