ONN media

Mərkəzi Kitabxanada yazıçı Günel Eyvazlı ilə görüş keçirilib

Mərkəzi Kitabxanada yazıçı Günel Eyvazlı ilə görüş keçirilib
17 Oktyabr 2019 - 11:24

ONN media xəbər verir ki, ötən gün – 16 oktyabr tarixində Səməd Vurğun adına Sumqayıt Mərkəzi Kitabxanasında yazıçı Günel Eyvazlı ilə görüş keçirilib, mühazirəsi dinlənilib, yeni “İşıq” adlı kitabı oxuculara təqdim olunub.

Tədbiri giriş sözü ilə açan Mərkəzi Kitabxananın rəhbəri Yeganə Əhmədova Günel Eyvazlı ilə görüşə təşrif buyurmuş tələbə və müəllim kontingentini salamlayıb, yazıçının ədəbi fəaliyyəti haqqında geniş məlumat verib: “Çoxunuz Günel Eyvazlını yazılarından, mətbuatda, televiziyada çıxışlarından tanıyırsınız. Amma mən əminəm ki, canlı görüş vasitəsilə siz ayrı bir Günel Eyvazlı kəşf edəcəksiniz. Günel xanım Azərbaycan Yazıçılar Birliyinin üzvüdür, Prezident təqaüdçüsüdür. Bu yaxınlarda önəmli ədəbiyyat Festivalının mükafatına layiq görülüb. Düşündürücü esselər, hekayə və şeirlər müəllifidir”.

Günel Eyvazlı görüşün təşkilinə görə Yeganə xanıma təşəkkür edərək görüşə təşrif buyurmuş tələbələrə, oxucu və müəllimlərə  təşəkkür etmiş, saat yarım müddətində elm, ədəbiyyat, fəlsəfə, cəmiyyət, din, mifologiya, müasir dünya tendensiyaları, cəmiyyət mövzuları ətrafında mühazirə söyləmiş, şeirlərini səsləndirərək oxucuların, tələbələrin  suallarına ətraflı cavab vermişdir.

Sonda oxucular yazıçıya görüşdən məmnun qaldıqlarını, söylənilmiş mühazirə vasitəsilə yeni, əhatəli bilgilər əldə etdiklərini, hələ nə qədər kitab oxumanın vacib olduğunu bildiriblər. Dəyərli mütaliə məsləhətləri verdiyi üçün Günel Eyvazlıya təşəkkür ediblər.

ONN İnformasiya Agentliyi
image_printÇap Et
OXŞAR XƏBƏRLƏR
Şərhlər
Şərh yoxdur
XƏBƏR LENTİ
ONN-agentlik.png ONN-agentlik.png ONN-agentlik.png ONN-agentlik.png