Microsoft yeni Bluetooth klaviatura buraxıb. Onda ayrıca Office və Emoji bölməsi var. ONN media facemark.az-a istinadən bildirir ki, "The Verge"nin məlumatına görə, daha əvvəl şirkət ancaq Office düyməsi olan klaviatura buraxmışdı. Bildirək ki, Office düyməsi Windows 10 əlavələrinin işə salınmasını təmin edir. Hər məhsulun isə öz kombinasiyası var. Məsələn, Office + W, Word-ü, Office + X - Excel-i açır. Emoji düyməsi isə adından da göründüyü kimi smile-ları açır. Qeyd etmək yerinə düşər ki, USB ilə qoşulan belə klaviaturanın qiyməti 59,99 dollara, kiçik Bluetooth klaviatura isə 49,99 dollara satılacaq.