Saat 20:00-da Naxçıvan stansiyasından 110 km cənub-qərbdə Türkiyə-İran sərhədində 5,8 maqnitudada növbəti zəlzələ qeydə alınıb. Bu barədə ONN media -ya Azərbaycan Milli Elmlər Akademiyası nəzdində Respublika Seysmoloji Xidmət Mərkəzinə istinadən xəbər verir. Məlumata görə, zəlzələ Naxçıvan Muxtar Respublikası ərazisində 3-4 bala qədər hiss olunub. Eyni zamanda, Lənkəran rayonunda da zəlzələ baş verib. Yeraltı təkanlar saat 20:05 radələrində qeydə alınıb. Zəlzələ 3-3,5 maqnitudada olub. İlkin məlumata görə, dağıntı və ya tələfat qeydə alınmayıb.