İsmayıllıda ehtiyyatsızlıq səbəbindən güllələnmə hadisəsi baş verib.

ARB Şəki xəbər verir ki, hadisə İsmayıllı rayonun Qalacıq kəndində qeydə alınıb. Kənd sakini, 28 yaşlı Ruslan Məmmədov yaşadığı evdə ov tüfəngindən istifadə zamanı ehtiyyatsızlıq edərək özünə atəş açıb.

Sağ döş qəfəsindən güllə yarası alan Ruslan Məmmədov təcili tibbi yardım stansiyasının avtomobili ilə İsmayıllı rayon Mərkəzi Xəstəxanasına çatdırılıb.

Ruslan Məmmədov (zərərçəkən): “Toyuqların səsi gəldi. Tüfəngi götürdüm çölə çıxdım. Qapıdan çıxan kimi atəş açıldı. Səhəri gözümü açanda burada idim”.

Xəstə cərahiyyə şöbəsinə yerləşdirilərək əməliyyat olunub. Hazırda xəstənin vəziyyəti stabilləşib. Faktla bağlı İsmayıllı rayon Polis Şöbəsi tərəfindən araşdırma aparılır.

[embed]http://www.youtube.com/watch?v=5Iq6dNBA_pw[/embed]