Xorvatiyanın 3 liqasının təmsilçisi “Slavoniya Pozeqa” ilə qarşılaşan “Marsoniya” komandasının üzvü Bruno Boban faciəvi şəkildə dünyasını dəyişib.

Publika.az xəbər verir ki, topu sinəsi ilə qəbul edən 25 yaşlı futbolçu qəflətən yerə yıxılıb.

Tribunadakı azarkeşlər və klubun həkimləri huşunu itirən futbolçuya ilkin tibbi yardım etsələr də, onun həyatını xilas etmək mümkün olmayıb.

Qeyd edək ki, Boban keçən həftə keçirilən matçda 2 qola imza ataraq komandasını 3:0 hesabı ilə qalibiyyətə aparmışdı.