Ermənistanın Tavuş vilayətinin Voskepar kəndinin sakinlərinə məxsus 7 inək sərhəddə minaya düşüb.

ONN media xəbər verir ki, bu barədə “Sputnik Ermənistan” məlumat yayıb.

Hadisənin “Üçbucaq” adlanan ərazidə baş verdiyi bildirilir. Həmin hissənin Ermənistanın ərazi bütövlüyünə daxil olduğu bildirilir.

Mal-qara sahiblərinə nə qədər ziyan dəydiyi hələlik bəlli deyil.

Qeyd edək ki, Ermənistan Qarabağda olduğu kimi, Azərbaycanla sərhədi də kütləvi şəkildə minalayıb. Nəticədə hər iki tərəfdə hərbi və mülki şəxslər zərər görür.