Almaniyanın Şimali Ren Vestfalya əyalətinin Altena şəhərində bədbəxt hadisə baş verib.

ONN media Alman mətbuatına istinadla xəbər verir ki, yarı açıq yük maşını idarə edən sürücü, avtomobili məsciddən çıxan vətəndaşların üzərinə sürüb.

Hadisə nəticəsində 5 türk vətəndaşı ağır yaralanıb. Onlar helikopterlər vasitəsilə xəstəxanaya aparılıb. Yaralananlar arasında Almaniyada fəaliyyət göstərən Türk-İslam Din Məsələləri Birliyinin din adamlarının da olduğu qeyd olunub.

Polis qəzanın necə baş verdiyinə dair hər hansı bir məlumat verməyib. Hadisənin terror hücumu olub olmadığı araşdırılır.