Son sutka ərzində Azərbaycan yollarında baş vermiş qəzalar nəticəsində 4 nəfər vəfat edib.

Lent.az xəbər verir ki, Sabirabad rayonunda 2 minik avtomobilinin toqquşması 1 nəfərin ölümünə, daha 8 nəfərin isə müxtəlif dərəcəli xəsarət almasına səbəb olub. Bakının Qaradağ rayonunda isə naməlum avtomobil 55 yaşlı kişini vurub öldürüb. Sürücü hadisə yerindən qaçıb.

Oxşar hadisələr Füzuli və Ağcəbədi rayonlarında da baş verib. Füzulidə naməlum avtomobil 20 yaşlı oğlanı, Ağcabədidə isə müəyyən edilməmiş nəqliyyat vasitəsi 50 yaşlı kişini vurub öldürdükdən sonra ərazidən uzaqlaşıb.

Bütün faktlarla bağlı zəruri araşdırmalar həyata keçirilir.