ONN media Olaylar-a istinadla xəbər verir ki, bu gün axşam saatlarında "Jurnalistlər binası"nın həyətində yaşayan "Bobik" adlı itə cadu olunmuş kolbasa yedizdirən şəxslərin iyrənc əməlləri ifşa olunub. Məlumat verən heyvansevər könüllülər bildiriblər ki, biz itin qabağına qoyulan kolbasanı hissə-hissə edib itə vermək istəyəndə bu mənzərəylə rastlaşdıq.

Bu kimi hallar, yəni, cadu olunmuş əşyalar dəfələrlə şəhərin müxtəlif yerlərində müxtəlif insanlar tərəfindən aşkarlanıb.

Qeyd edək ki, cadu və cadugərlik dinimizdə qadağan edilib. Qanunla da bu cür işlərlə məşğul olub insanlardan pul alanlar dələduzluq etmiş sayılırlar. Cadu ən böyük günahlardan sayılsa da bu çirkin işlərlə məşğul olanlar və ona inanlar da kifayət qədərdir. Heyvana cadu olunmuş nəsə yedirtmək, kiməsə edilmiş cadunun həmin heyvan vasitəsi ilə həyata keçirilməsidir.