Aya enmiş “Çanye-4” Çin zondunun göyərtəsində elmi eksperiment məqsədilə gətirilmiş ilk toxumlar yetişib.

ONN media xəbər verir ki, bu haqda “South China Morning Post” məlumat yayıb.

Eksperimentdə ilk olaraq pambıq toxumu cücərib. Fotoşəkilləri Çin Kosmik Agentliyi dərc edib. Missiya çərçivəsində Aya müxtəlif bitki və tərəvəz, o cümlədən, kartof və kələm toxumlarının olduğu hermetik saxlanc göndərilib.  

Tədqiqatçılar eksperimentlə kosmik aparatda qapalı ekosistemin yaradılmasının mümkün olub-olmadığını yoxlamaq istəyir. Süni yaradılmış ekosistemdə sürfələr karbon qazı ifraz edəcək, bitkilər isə fotosintez vasitəsilə onu oksigenə çevirəcək.