Abşeron rayonu Masazır qəsəbəsi “Qurtuluş-2” yaşayış kompleksinin yaxınlığında su borusu partlayıb.
ONN media Oxu.Az-a istinadən xəbər verir ki, bununla bağlı fotoları Məmmədova Xəyalə sosial şəbəkələrdə paylaşıb.
Bildirilir ki, hadisə “Qurtuluş-2” yaşayış kompleksində yerləşən məktəbin yanında iki gün əvvəl baş verib.
Sakinlər dayanmadan axan suyun yolları bərbad hala salmasından şikayət edir. Ərazidən keçən maşın yolunun hər iki tərəfində gölməçələr yaranıb. Su borusunun hansı səbəbdən partladığı məlum deyil.