Gəncədə faciə yaşanıb. Fövqəladə Hallar Nazirliyindən ONN media -ya verilən məlumata görə, nazirliyin "112" qaynar telefon xəttinə Gəncə şəhərinin Nizami rayonunda aşmış köşkün (taxta konstruksiyalardan ibarət) altında qalmış şəxsin xilas olunması üçün müraciət daxil olub. Gəncə Regional Mərkəzinin müvafiq xilasetmə qüvvələri hadisə yerinə cəlb olunub. Görülən tədbirlər nəticəsində 1972-ci il təvəllüdlü Qəhrəmanova Aytəkin Həmdəm qızının meyiti köşkün altından çıxarılaraq aidiyyəti üzrə təhvil verilib.