"Yuventus"un hücumçusu Kriştiano Ronaldo İspaniyaya gedib. ONN media xarici mətbuata istinadən xəbər verir ki, "Avro-2020"nin seçmə mərhələsinin ikinci turunun Serbiya ilə oyununda (1:1) zədələnən Portuqaliya millisinin üzvü tibbi müayinədən keçmək üçün Barselonaya yollanıb. Oradakı ətraflı müayinədən sonra 34 yaşlı futbolçunun durumu dəqiqləşəcək. Qeyd edək ki, dünən zədəsi ilə bağlı danışan Ronaldo təxminən 2 həftə oynamayacağını bildirmişdi. Bu isə o deməkdir ki, təcrübəli forvard İtaliya A Seriyasında "Empoli", "Kalyari" və "Milan"la görüşləri buraxmalı olacaq.