Azərbaycanda koronavirusla bağlı son iki gündə yoluxmada çoxalma müşahidə olunub. Rəsmi məlumata görə,ötən gün Azərbaycan Respublikasında koronavirus infeksiyasına 76 yeni yoluxma faktı qeydə alınıb, 28 nəfər müalicə olunaraq sağalıb və evə buraxılıb. ONN media xəbər verir ki, xüsusilə yoluxmanın artdığı şəhərlər siyahısında Gəncə şəhəri var. Buna görə də Gəncə şəhəri narıncı zonaya daxil edilib. Bu o deməkdir ki, Gəncədə aktiv yoluxma hallarının 50-dən yuxarıdır. Aprel ayının 26 günündə Gəncədə 101 yoluxma halı müəyyən edilmişdir.