Xalq artisti Gülyanaq Məmmədova maraqlı etirafı ilə diqqət çəkib.

ONN media  xəbər verir ki, ifaçı 1992-ci ildə toyuna bir gün qalmış evdən qaçdığını bildirib.

Sənətçi bu barədə ATV kanalında yayımlanan "1 dəqiqə" proqramına qonaq olarkən deyib. İfaçı ailəsi tərəfindən sevmədiyi dayısı oğlu ilə ailə qurmağa məcbur edildiyi üçün bu addımı atıb.

"1991-ci ildən 1992-ci ilədək onunla nişanlı olmuşam. O, məni sevirdi, lakin mən də onu dayım oğlu kimi sevirdim. Arzularımın ardınca qaçdım", - deyə Xalq artisti bildirib.

Sənətçi efir vasitəsilə bir zamanlar onunla nişanlı olan dayısıoğlu və onun həyat yoldaşına salam da göndərib.