Son günlər sosial şəbəkələrdə fevralın 14-dən 21-nə qədər Bakının bəzi ərazilərdə internetlə bağlı problemlərin olacağı müzakirə olunur.

ONN media bildirir ki, Rəqəmsal İnkişaf və Nəqliyyat Nazirliyinə məxsus “Bakı Telefon Rabitəsi” MMC-dən “Ölkə.Az”a açıqlamasında sözügedən xəbərləri təkzib edib:

“Bir sıra kütləvi informasiya vasitələrində və sosial şəbəkələrdə CDMA (Code Division Multiple Access) şəbəkəsindəki profilaktik tədbirlərlə əlaqədar internet xidmətində 1 həftə fasilələrin yaranacağı başlıqlı xəbər yer alıb. Nəzərinizə çatdırırıq ki, CDMA - simsiz telefon xidmətidir və bu şəbəkə üzərindən abunəçilərə internet xidməti ötürülmür. 14-21 fevral tarixlərində nəzərdə tutulan təkmilləşdirmə işləri zamanı fasilələr yalnız 511 və 555 prefiksli simsiz telefon xidmətində yaranacaq”, - deyə şirkət bildirib.