ONN media xəbər verir ki, növbəti iki gün ərzində Azərbaycanda müşahidə olunacaq hava proqnozu açıqlanıb.

Ekologiya və Təbii Sərvətlət Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Gülşad Məmmədova bildirib ki, növbəti iki gün ərzində ölkə ərazisində hava şəraitinin yağmursuz keçəcəyi gözlənilir: "Mülayim qərb küləyi əsəcək".

Onun sözlərinə görə, Bakıda və Abşeron yarımadasında yaxın iki gün ərzində havanın temperaturu 33-38, bölgələrdə 34-39, dağlıq ərazilərdə isə 23-28 dərəcə təşkil edəcək: "Növbəti günlərdə hava şəraitində mühüm bir dəyişiklik gözlənilmir".