Azərbaycan Premyer Liqasının XVII turunun “Qarabağ” – “Kəpəz” matçının protokolunda dəyişiklik edilib.

ONN media-nın Apasport.az saytına istinadən verdiyi məlumata görə, meydan sahiblərinə 1:0 hesablı qələbə qazandıran qolun müəllifi dəyişdirilib.

Bu, oyunun baş hakimi Orxan Məmmədovun raportuna əsasən gerçəkləşib. Referinin təqdim etdiyi sənəddə göstərilib ki, qolu Riçard Almeyda deyil, Mahir Mədətov vurub. Müvafiq düzəliş matçın protokoluna da edilib.

Qeyd edək ki, Dani Kintananın qapı önünə ötürməsindən sonra topa məhz Mahir toxunsa da, matçdan sonra protokolda qolun braziliyalı tərəfindən vurulduğu qeyd olunmuşdu.