Avropanın nəhəng klublarının transfer siyahısında olan "Qarabağ"ın qapıçısı Mateuş Koxalskinin qiyməti bəlli olub.
ONN media xəbər verir ki, bu barədə Polşanın "Sklad" portalı məlumat yayıb.
Bildirilib ki, Ağdam təmsilçisi 25 yaşlı polşalı qolkiperini transfer etmək istəyən klubdan 7 milyon avro tələb edəcək.
Qeyd edək ki, Koxalski 2024-cü ilin yay transfer pəncərəsində "Qarabağ"a qoşulub. O, bu mövsüm 15 oyuna çıxıb və beş dəfə qapısını toxunulmaz saxlayıb.
Xatırladaq ki, "Borrusiya Dortmund" və "Napoli" klublarının Mateuş Koxalskini transfer etmək üçün təklif göndərməyə hazırlaşması ilə bağlı məlumat yayılıb.