"Çelsi”nin sahibi Roman Abramoviç klubu satmağa hazırlaşır.

ONN media Fanat.az-a istinadla xəbər verir ki, bu barədə Britaniyanın "The Sunday Times” (Ze Sandi Tayms) nəşri informasiya yayıb.

Rusiyalı iş adamı son siyasi qalmaqallara görə London klubu ilə əlaqələrini tamamilə kəsmək istəyir. Britaniya krallığından viza ala bilməyən Abramoviçin artıq İngiltərəyə sərmayə qoymaqda maraqlı olmadığı bildirilir. Hətta onun klubu satmaq üçün bəzi qurumlara müraciət etdiyi söylənilir.

Qeyd edək ki, Abramoviçin "Çelsi”yə 2 milyard funt-sterlinq qiymət qoyduğu iddia olunur.