Rusiya baş nazirinin keçmiş müavini Arkadi Dvorkoviç Beynəlxalq Şahmat  Federasiyasının (FİDE) prezidenti seçilib.

ONN media xəbər verir ki, səsvermə Federasiyanın Gürcüstanın Batumi şəhərindəki iclasında keçirilib. Dvorkoviç FİDE-nin yunanıstanlı vitse-prezidenti Georgies Makropulosa qalib gəlib. O, 103, Makropulos isə 78 səs toplayıb. Bir səs bitərəf hesab edilib. 

Qeyd edək ki, Federasiyaya 1995-ci ildən rəhbərlik edən Kirsan İlyumjinov iyulun 13-də Etika komissiyasının qərarı ilə vəzifəsindən kənarlaşdırılıb. İlyumjinov yenidən prezidentliyə namizədliyini irəli sürsə də, Dvorkoviçə görə geri çəkilmişdi və ona dəstək verdiyini açıqlamışdı.