“Barselona”nın kapitanı Lionel Messi yayda “Real”dan “Yuventus”a keçən Kriştiano Ronaldonun İtaliya çempionatında oynamaq təklifini cavablandırıb.

ONN media “Gazeta.ru”ya istinadən xəbər verir ki, Messi dəyişikliyə ehtiyacı olmadığını bildirib:

“Dünyanın ən yaxşı klubundayam. Məni gözləyən çətinliklər hər il daha da artır. Yeni hədəflər müəyyənləşdirmək üçün klubu və ya çempionatı dəyiştirməyə ehtiyac yoxdur”.

Qeyd edək ki, düyanın ən yaxşı futbolçuları hesab edilən Ronaldo və Messi La-Liqada 2009-2018-ci illər aralığında bir-birilərinə rəqib olublar.