“Qalatasaray” klubunun baş məşqçisi Fatih Terim cəzalandırılıb. ONN media xəbər verir ki, İzmirin Çeşmə bölgəsində Səlahəddin Aydoğduya xəsarət yetirməsi ittihamı ilə mühakimə edilən Fatih Terim 3 min TL cərimə ödəyəcək. Qeyd edək ki, hadisə 2017-ci ildə baş verib. Baş məşqçi Türkiyə Futbol Federasiyasında işlədiyi zamanlarda kürəkənləri və iki mühafizəçisi ilə İzmirdə yerləşən “Yüzevlər Kababçı”sına gedib və məkanın sahibi Səlahəddin Aydoğduya hücum edib. Bu davadan sonra Terim Türkiyə Futbol Federasiyasından qovulub.