İran rejimi Cənubi Azərbaycanda yaşayan soydaşlarımızın milli hərəkatını boğmaq üçün repressiyaları gücləndirib.

ONN media Publika-ya istinadla xəbər verir ki, bu barədə sosial media hesabında Əməkdar jurnalist, teletənqidçi Qulu Məhərrəmli yazıb.

“Təbrizdən həyəcanlı xəbərlər gəlir... Hazırda Güney Azərbaycanda yüksələn milli hərəkatı boğmaq üçün İran rejimi repressiyaları gücləndirib. Rejim milli fəalları həbs edir və zindanlarda onları incidir. Neçə gündür ki, həbs edilmiş milli fəal Abbas Lisaniyə də Tehranın Evin həbsxanasında işgəncə verilir. Mən Cənubi Azərbaycandakı soydaşlarımızın milli haqqını tələb edən Abbas Lisaninin həbsini pisləyir, soydaşlarımızın mübarizəsini dəstəkləyirəm”-, professor qeyd edib.