Ukraynada parlament seçkilərində bülletenlərin 99,5 faizi sayılıb. ONN media xəbər verir ki, Mərkəzi Seçki Komissiyasının açıqladığı nəticələrə görə, prezident Vladimir Zelenskinin rəhbərlik etdiyi “Xalqın xidmətçisi” partiyası 43 faizdən çox səs toplayıb. İkinci yerdə olan rusiyameyilli "Həyat uğrunda - müxalifət platforması" partiyası 13 faiz səs toplayıb. Keçmiş prezident Pyotr Poroşenkonun rəhbərlik etdiyi “Avropa Həmrəyliyi” partiyasına 8 faiz seçici etimad göstərib. Bununla da, Zelenskinin rəhbərlik etdiyi partiya təkbaşına hökumət qurmaq hüququ əldə edib. Qeyd edək ki, parlamentdə 5 faizlik səddi aşan partiyalar təmsil oluna bilərlər. Seçkilərə qatılan 22 partiyadan 5-i bu nəticəni əldə edib.