"Qarabağ" klubunun ispaniyalı futbolçusu Dani Kintana bu gün komandadan ayrılıb. ONN media kluba istinadən xəbər verir ki, o, Ağdam klubunda sonuncu məşqinə çıxıb. Klubun yaydığı məlumatda deyilir: "İspaniyalı yarımmüdafiəçi Çinin "Chengdu Better City" klubuna transfer olunub və bu gün tibbi yoxlanışdan keçmək üçün yeni komandasının Taylandda davam edən düşərgəsinə yollanacaq. 2015-ci ildə komandamıza transfer olunan Kintana 146 matçda meydanda olub, 42 qol və 23 məhsuldar ötürmə ilə yadda qalıb. Kintanaya göstərdiyi xidmətlərə görə təşəkkür edir və gələcək karyerasında uğurlar arzulayırıq".