Şose velosipedinin fərdi və qrup ötüşməsi üzrə Elit və U23 kateqoriyalı idmançılar arasında Azərbaycan çempionatının vaxtı bəlli olub.

ONN media bildirir ki, bu barədə Beynəlxalq Velosipedçilər İttifaqı (UCI) qərar çıxarıb. Qurum bildirib ki, milli federasiyaların təşkil etdiyi yerli çempionatlar 22-23 avqustda olacaq. UCI beynəlxalq turnirləri iyulun 1-dək, nüfuzlu dünya turu yarışlarını isə avqustun 1-dək təxirə salıb. Qeyd edək ki, Azərbaycan çempionatı 14 - 21 iyunda İsmayıllıda keçirilməli idi.